قالت تضامناً مع المواطن الفنانة ميادة قمرالدين تلغي حفلها الجماهيري وتعلن استعدادها لمواكب ٢١

الخرطوم/ محاسن أحمد عبد الله

أعلنت الفنانة ميادة قمر الدين, إلغاء حفلها الجماهيري بليالي البروف المقام في فندق القراند يوم الجمعة القادم نسبة للظروف الصعبة التي تمر بها هذه الأيام وتضامناً مع المواطن، مؤكدة استعدادها لمواكب ٢١ الخميس وأن الثورة مستمرة.

وأوضحت ميادة خلال بوست قامت بنشره: “أحب حاجة على قلب الفنان لقاء جمهوره وإحساسه بتقديرهم وسعادتهم,
وكل فنان بيحاول يوصل امتنانة ومحبته للناس بطريقته وأسلوبه”.

وواصلت “الحفلات الجماهيرية هي الحاجة الوحيدة البنحب عن طريقها نعبر عن حبنا للبلد ومشاركتنا للناس ومحاولاتنا المتواضعة, لأننا نعكس ظروفهم ومشاعرهم عبر الفن الاتخذناه وسيلة ورسالة, عشان كده ونظراً للظروف البتمر بيها البلاد الأيام دي، وتضامناً مع المواطن الغلبان في أهمية أننا نتجاوز المرحلة دي بخير وأمان, قررت تأجيل حفل ليالي البروف المقام في فندق القراند يوم الجمعة ٢٢/١٠/٢٠٢١ وكلي حزن على ما آل إليه حالنا لأنه صعب تقدم فنك لإنسان شاغل باله الفترة دي (كيف يعيش وهو آمن؟) و(يعمل شنو عشان أولاده يعيشوا حياة كريمة”؟

وأضافت “نحن الآن بنمر بمنعطف صعب محتاجين كلنا نقيف ونسأل نفسنا عملنا شنو عشان البلد. وقدمنا شنو لي بعض؟!!
ربنا يكف عنّا شر الفتن ويجمع شمل كل السودانيين في ما يرضاه ويكتب لينا الخير والنجاة”.

واختمت قمرالدين : “نتلاقى قريب في رحاب سودان جميل وسعيد:).
مليونية21_دعملجانالمقاومة المستقلين
لا_للأحزاب
مازالتالثورةمستمرة
الخميس_عرمرم

Leave A Reply

Your email address will not be published.