صحيفة (السوداني) أوقفت عن الصدور لفترة طويلة ثم سمح لها بمعاودة الصدور مرة أخري.. نحنا كصحفيين – حتي الآن – ما فاهمين بالضبط قفلوها ليه؟ مافي حجج منطقية.. مافي مبررات مقنعة.. مافي زول جاب كلام مؤكد ونجيض مسنود بوثائق ومستندات وبينات وقرائن يوضح لينا ليه أغلقت؟ والاغرب من ذلك سمحوا ليها بالعودة ومزاولة عملها عادي ونحنا كصحفيين – حتي الآن – ما فاهمين بالضبط اسباب معاودتها للصدور مرة أخري! رجعتوها ليه؟ والأسباب الجعلتكم تسمحوا ليها بمعاودة الصدور شنو؟ عايزين زول من الناس القفلوها يفهمنا ويوضح لينا.. هل وفقا للقانون والدستور وباي شرعية اغلقت وباي شرعية أعيدت؟ ما ممكن القانون يسمح ليك باغلاقها ثم ذات القانون يديك شرعية لارجاعها…!! يبقي دا ما قانون دا تلاعب بالقانون وضحك علينا .. وين الشفافية والوضوح والصراحة ووضع النقاط علي الحروف عشان كلنا نقتنع وكمان بعد نقتنع بالمبررات نؤيد ونبارك الخطوات.. لكن ما ممكن يقفلوها علي كيفهم ويرجعوها علي كيفهم ونحنا نتفرج علي العبث دا.. الوضع ليس ع السوداني فحسب ب
ينسحب علي اي مؤسسة تم اغلاقها من غير ما تثبتوا للراي العام بالادلة والوثائق والمستندات وما يؤكد ذلك (فعلا) لا (قولا)..
